Lirik lagu Mandailing "BULUNG BOTIK" - Fiddin Sir

Ditulis ces Sabtu, 29 April 2017 Tulis Komentar Edit

"BULUNG BOTIK"

Cipt ; Fiddin Sir

Voc ; Fiddin Sir

Musik ; Mandailing

Umbaen ku molak ni simartulanon baya

Sian pardakaan anggi ni simartolu on

Umbaen ku molak baya bagian on

Sian dongan da anggi na dua tolu on

U parkahua dehe da pandan on

Bulung botik anggi mardai merah on

U parkahua dehe daganak on

Inang na pe madung mulak tu Tuhan on

Oishh bia dehe padundung bulu on

Na songonon anggi dumaol daolon

Oishh bia dehe nasib ni badan on

Na mamanjang do mangomo-omo on

Landit dalan tu gariang, lum landitan dalan tu sidokdok

Ancit anggi na marsirang, hum ancitan dope na hona potong

Landit anggi marpangir unte, lum landitan marpangir ampoluk

Ancit anggi na sirang mate, hum ancitan dope sirang mangolu

Adong do anggi da kunci kopor hum gonan an ko anggi kunci lamari

Adong do anggi da supir motor hum gonan an ko anggi supir padati

Inda dong be da naso calongon nasi nasi baya di Sibuhuan

Inda dong be naso taon on anggo dung nasib baya sian Tuhan

Ulang au anggi palingot lingot bayoan jangkang bayo on mu

Ulang au anggi paingot-ingot so ulang ganggang anggi karejomu

Aek sigiring-giring na mamancur baya di tonga ari

Inda dapot tauatku bujing-bujing u paitte anggi jando sanoli

Jungada do anggi tu sipiongot maroban itak sa pargambiran

Jungada doho anggi taringot di au on da na ganjil bagian

U rambas do anggi da rao-rao I rambas ho dong anggi da lipina

Pamatang do anggi na dao-dao I hombar holong do anggi tondina

Umbaen ku molak ni simartulanon baya

Sian pardakaan anggi disi martolu on